TRUNKENBOLDE IN MICHAELS GORTN

Da Michael Rausch feiert im Gortn a Fest,
mid Familie, Freindala a ganzer Haffn.
Wo sich jeder vergisst, die Sau mal assaläßt,
alle kinnas fressn und nu besser saffn.
A Mordsradau, Gschrei und Lärm,
ma kanns bis zu uns ibahern.

Da Alkohol wird dauernd mehr im Hirn,
und des Ganze beginnt zu eskaliern.
Da Vodda backt nan as, spült Mundharmonika,
d’Mutter springt am Disch und fangt zum strippn a.
Die Menge tobt, grölt und klatscht,
ma sigt wej d’Mutter vom Disch untebatscht.

Ref.:
Trunkenbolde in Michaels Gortn,
a jeder der wos vertragt und vl safft.
Und kaum oina der kanns erwortn
bis da Alkohol in Massn lafft.

In Vodda den hert ma ganz laut spettln und lalln:
„Schau ner hie dou etz is untegfalln!“
Und driban im Busch hert mas kichern und lachn,
Michaels Freindin treibt gewisse Sachn.
Doch da Michael merkt nix, find des Ganze toll
und plötzlich wirda bleich und kotzt alles voll.

Mittlerweile dämmerts und endlich wird’s leiser,
doch da Michael grölt immernu ganz heiser.
Wal saffn und schreia is des woua gurd kann,
dann machta nu an Schluck und endlich drahts nan zam.
Schau ner hi vom Alkohol is nix ibrig bliem,
und alle sigt mas am Bodn umaliegn.