 |
| TEXTE
Mole Schrott |
100 JAHRE
Vor 100 Johr had unsa Uroma a Eichn apfplanzt.
Dej is gwachsn und is schej groaß worn.
Had jedes Johr ihr Eichln und ihr Laub ogworfn,
und had nemmats irgendwos adou.
Etza hats an Stammumfang vo iba fünf Meter,
und is bereits 20 Meter haoch.
Sie had so manchn Sturm guad iberstandn,
und so manches Dunnerwedder ah.
Irgendwann san neba uns neie Leit eizong,
dej had unsa schejna Bam dann gschtert.
Dej homse afgfihrt wej da Rotz am Steckn,
und hom gmoint der Bam der mou weg.
Gestern is unsa Oma mid da Kettnsech kumma,
had den Nachbarn einfach so nou gem.
Dann hats den Bam in 5 Minutn umgsegt,
grodmal 100 Johr isa old worn.
© 1994/2003 Alfons Bauer 3 / Sentementol
 |
 |